今朝睇新聞見到英國d人係咁係度搶奧運火炬, 原因就係抗議中國打壓Tibet. 筆者有少少看法:
- 點解呢d所謂先進民主的西方國家可以有如此利害的雙重標準? 自己係無原因下出兵打Iraq就得, 中國去鎮壓自己國家內的暴徒就唔得呢?
- 這件事很明顯就係有人攪事, d外國老就話中國解放軍扮喇嘛去”自導自演”就真係個腦有問題, 試想下北京奧運就黎舉行, 如果而家攪d咁既野出黎, 最大損失會係邊個? 一定係奧運主辦單位北京. d中國領導人會唔會咁笨做d損人又損己既事呢?
- 相反, 最大得益係邊個? 我覺得係Tibet領導人逹賴及一班要獨立的Tibet人. 咁最有動機攪事既會係邊個? (我不嬲都好不喜歡參與政治的宗教領袖)
- 好多人要民主, 如果真係民主的話會變成點? 睇下台灣陳水x總統就知, 再唔係睇睇美國既牛仔喬治布x都知, 2個利用人民對佢地既信任來完成自己個人的”偉大使命”而忽略基本的民生經濟. 上次選舉選左長毛同鄭經x入立法會我真係o晒咀, 如果民選特首選埋這種唯恐天下不亂既人做既話就真係仆晒街啦!
今次真係不吐不快, 利用下個blog來吐下口水.
April 7th, 2008 at 9:59 am
仲有陳日x果個樞機!人做樞機佢做樞機..
政治野佢又要表態…
April 7th, 2008 at 11:42 am
China-phobia令西方國家產生了對中國的敵視。因為他們怕中國壯大會對他們構成威脅。故，一群自負的西方聯手找中國的弱點來打擊。情況有如以前的Russia-phobia，結果是如何，大家也知道。但，我相信中國壯大乃勢之所趨，擋者，只會自討沒趣。
April 7th, 2008 at 1:10 pm
不嬲西方國家都想盡辦法阻止中國強大。
好似89民運咁，結果令中國經濟發展拖慢十年，最大受害者係廣大中國人，得益者就只係d學生領袖。嗰陣時死既都係下面既學生，但上面既所謂學生領袖竟然可以係共產黨的控制之下成功逃出，個個係外國名成利就，享緊清福，有無外國勢力係度不言自明。
而家我覺得d外國人越係唔想我地強大，我地就越要爭氣，唔可以衰俾呢d人睇。
April 7th, 2008 at 2:15 pm
中國人從未侵略別人一分土地, 從來只有被人侵略! 仲經常被人喊打喊殺!!
April 7th, 2008 at 2:37 pm
真係人善被人欺，唉……………..
April 7th, 2008 at 7:10 pm
絶對同意!
唔知李柱銘會否又在外國傳媒發表吓佢對呢單嘢的意見呢?
不招人妒是庸才, 中國繼續強大, 要班鬼佬繼續眼紅!!
April 7th, 2008 at 10:43 pm
Colin兄既投資見解確實是非常有見地﹐但閣下既呢篇既觀點在下非常有保留。見到呢度大部份留言既朋友既觀點都偏向一邊﹐請饒恕我係呢度唱一下反調﹐交流一下意見。如有冒犯﹐還請見諒﹗
先講明﹕雖然意見不同﹐但投資理念可以吻合。最好例子就係巴菲特同佢係巴郡既拍檔芒格(Charlie Munger)。巴菲特本身係支持美國民主黨﹐而芒格則支持美國共和黨﹐但也無損兩人多年來既感情。
「點解呢d所謂先進民主的西方國家可以有如此利害的雙重標準? 自己係無原因下出兵打Iraq就得, 中國去鎮壓自己國家內的暴徒就唔得呢?」
持雙重標準既係主攻伊拉克既人﹐但並唔代表所有西方國家既輿論都係支持攻打伊拉克﹐當時反對聲音還非常強烈。所以請你唔好以偏概全。
「這件事很明顯就係有人攪事, d外國老就話中國解放軍扮喇嘛去”自導自演”就真係個腦有問題, 試想下北京奧運就黎舉行, 如果而家攪d咁既野出黎, 最大損失會係邊個? 一定係奧運主辦單位北京. d中國領導人會唔會咁笨做d損人又損己既事呢?」
而家係中央當初唔肯比外地傳媒進來採訪事發經過﹐連在場既香港記者也唔放給照趕出去。
要阻止D外國記者亂up24既最好方法係比佢地入黎睇清楚﹐但唔好阻擾佢地﹐如果到時佢地都仲係照亂寫野當然係佢地存心想同中國作對﹐到時中央佔盡道德高地佢地都冇野好講啦﹐但你而家趕o西佢地走﹐佢地當然只可以揣測入面究竟發生咩事。自從六四之後﹐外國根本就唔會有人會隨便去信中央台講既野。
比個例子你﹐係被當局趕離西藏前﹐有位西方記者親眼目睹暴徒圍毆一D漢人﹐如果唔係呢位唔受中央控制既仁兄報導出去既話﹐到而家話唔定都未必有外國人肯信個D暴徒確實係野蠻到失控既地步。
「相反, 最大得益係邊個? 我覺得係Tibet領導人逹賴及一班要獨立的Tibet人. 咁最有動機攪事既會係邊個? (我不嬲都好不喜歡參與政治的宗教領袖)」
達賴我自己對佢都冇咩好感﹐但諷刺地﹐呢條友仔係最能夠約束藏獨派系比較激進既派系。佢一旦圓寂﹐好難講個D年輕既激進派會唔會進一步「塔里班化」﹐所以阿爺還是要快D考慮係唔係應該儘快溝通﹐而唔係搬o西文革慣用既口吻﹐咩都賴o西係達賴度。
「好多人要民主, 如果真係民主的話會變成點? 睇下台灣陳水x總統就知, 再唔係睇睇美國既牛仔喬治布x都知, 2個利用人民對佢地既信任來完成自己個人的”偉大使命”而忽略基本的民生經濟. 上次選舉選左長毛同鄭經x入立法會我真係o晒咀, 如果民選特首選埋這種唯恐天下不亂既人做既話就真係仆晒街啦! 」
Colin兄此言極差矣﹗民主確實係會間唔中產生出好似阿扁同布殊呢D PK出黎﹐但同一個冇民主選舉既制度唔同既係﹐民主既最大優點在於佢既「自我修復」功能。君不見前幾個禮拜台灣選舉民進黨因濫用選民8年黎既誠信而被選民痛扁嗎﹖當然如果小馬哥唔向民進黨既失敗借鏡而冇好好搞好經濟既話﹐台灣選民照樣會冇面比﹐呢就係選票既威力。但我個人相信小馬哥唔會致于咁蠢。
點可以因為民主會間中產生希特拉或阿扁就全盤否認一人一票﹖是否有點本末倒置﹖而且講緊西藏點解會無端端講到民主既所謂「弊端」﹖
「China-phobia令西方國家產生了對中國的敵視。因為他們怕中國壯大會對他們構成威脅。故，一群自負的西方聯手找中國的弱點來打擊。情況有如以前的Russia-phobia，結果是如何，大家也知道。但，我相信中國壯大乃勢之所趨，擋者，只會自討沒趣。」
確實有一部份外國右翼分子係非常敵視中國倔起﹐但難道關於中國既人權﹐市郊貧富懸殊同翻版問題都係佢地憑空作出黎老屈中國嗎﹖問題係阿爺不知不覺間自己係度不斷製造藉口比呢班右翼友仔(尤其是日本個D)有機可乘話中國係點樣邪惡云云。
「唔知李柱銘會否又在外國傳媒發表吓佢對呢單嘢的意見呢?
不招人妒是庸才, 中國繼續強大, 要班鬼佬繼續眼紅!!」
李先生一向實話實說﹐我唔見有咩問題播﹗只不過阿爺唔被佢翻入黎﹐料佢都講唔到D咩。
當日李先生係Wall Street Journal只不過請求西方政府唔杯葛奧運﹐反而要利用同北京親近既機會反映(唔係「施壓」﹗請好好睇翻個篇英文原文先黎同我拗呢點)關於人權既意見﹐但還來就係某些報章同政客係度屈得就屈。個時先發現原來係咁同外國報章批評下自己國家既政府係可以被叫做「賣國賊」。
April 7th, 2008 at 10:52 pm
「不嬲西方國家都想盡辦法阻止中國強大。 好似89民運咁，結果令中國經濟發展拖慢十年，最大受害者係廣大中國人，得益者就只係d學生領袖。嗰陣時死既都係下面既學生，但上面既所謂學生領袖竟然可以係共產黨的控制之下成功逃出，個個係外國名成利就，享緊清福，有無外國勢力係度不言自明。 而家我覺得d外國人越係唔想我地強大，我地就越要爭氣，唔可以衰俾呢d人睇。」
閣下又知道89民運將中國經濟拖慢十年﹐你未免太過高舉共產黨了。用閣下既邏輯﹐單睇老蔣流亡台灣幾十年既記錄﹐如果內戰由老蔣打贏既話﹐中國經濟會被而家進步多幾十年。
再者﹐經濟確實係起飛左﹐但係唔係惠及所有人﹖唔好講同先進國家比較﹐同台灣香港比還差好遠。
確實有部份學生領袖去到外國享清福﹐但呢代表阿爺當年鎮壓學生正確啊﹖
仲有﹐王丹係受左好多年牢獄之災後先被批准保外就醫﹐你估佢唔想翻黎架﹖係阿爺專登踢走佢﹐好讓自己耳根清靜﹐又唔使個班偽善既西方政府次次見面都話「釋放王丹」。
April 7th, 2008 at 11:43 pm
Kinny Riddle ,
基本上你唔駛咁長篇大論都已知你想講咩嘢…剩係睇你個署名, 都估到你的立場係幾咁”客觀”啦!
April 7th, 2008 at 11:46 pm
個人認為今次國際社會有點小題大作，但個人亦不相信中央電視台的報導。
記得我以前說過，中國政治風險大，因為外交上做得不好，今次事件可見一斑。好地地趕記者收帶，實在令人懷疑，這邊廂有西藏問題，那邊廂胡佳被以言入罪，人們很難不質疑中國人權已改善。
李柱銘發表評論文章，又被「愛國」人士大罵走狗，同樣是對人不對事，令人感到有人愚忠…
或者大家都可討論一下
April 8th, 2008 at 1:25 am
李敖有话说-西藏问题 1-1 http://www.youtube.com/watch?v=YrMto2jlDDQ&feature=related
April 8th, 2008 at 8:56 am
其實我都係呻下…有時有d野真係睇唔過眼…
April 8th, 2008 at 2:57 pm
1)發表評論文章固然值得鼓勵, 但是否必須走到外國(敵國)去發表? 逹賴就話家鄉無處容身啫!香港應有N種渠道發表意見.
2)外國也有反對派, 但好難想像有美國國會議員走到敵國”評論”自己國家
3)無論從軍事,經濟,科技,文化等角度, 中國與美國很大程度上是敵對多於盟友, 只不是以美蘇冷戰形式出現, 而是以暗中較量; 事實上國與國關係間利益多於一切, 否則當年都唔會有八國聯軍,而台灣及西藏問題又唔會俾美國搞到好似依家咁複雜.
4)若天真地以為對方會真心協助而”邀請”美國幫助中國走向民主, 換轉我係美國佬當然笑住歡迎, 仲可安排多十幾個什麼民主/人權聽証會及轉播媒介,讓你多些出席作証及封你為中國民主鬥士. 但此除增加了敵人籌碼外, 對自己國家真的有利嗎?
4)比較其他薪高糧準的泛民議員, 我認同李大狀係真心追求民主, 但方式上是否最適當? 其對美國本身人權民主狀況又是否過份愚忠?
5)陰謀論(不喜勿看): 記得當日佢篇文出街時, 正是陳太同葉劉競選當中, 而陳太又被民主黨無端推舉為”民主女神”, 是否有人不甘心自己個朵俾人攞咗, 而黎一次嘩眾取寵, 要攞翻個正印卓號?
April 9th, 2008 at 3:12 am
好簡單，我就只係唔妥佢扑街向我地個祖國到搞搞震，如果有人走去我屋企搞搞震，又煽火點火我屋企人同我反面，我會攞把骨頭掃把PAN佢出門口！你寫咁大篇野好似好有道理咁，個世界都係講惡，你夠強夠惡，駛鬼同你講咁多道理咩，乱你一把，都可以話我乱得你無錯，伊拉克都係咁啦！唔知我地既祖國幾時有本事惡到咁呢？當真係惡都咁果陣，你講咁大篇道理，都無人理你！
April 9th, 2008 at 11:14 pm
Hi Colin
How come you don’t follow brother Fire to buy 2813 le?
Just want to see your view on the stock.
Cheers
April 10th, 2008 at 1:44 am
哈哈~咁橋我都係呢個問題不吐不快喎！
http://hk.myblog.yahoo.com/mrfongyl/article?mid=174&prev=179&next=173
其實政治理念討論永遠沒完沒了，大家理性點就是，這就是香港有言論自由的可貴！
我也想回應 “心閱可悠”—2)外國也有反對派, 但好難想像有美國國會議員走到敵國”評論”自己國家…
如果李柱銘可以係人民大會堂評論國事，我想他會開心得要死！仲點會去鬼子佬地方！
香港係國際大都會，去外國政治交流有何問題？
不能在自己國家暢所欲言才是悲哀！
中國正逐漸走向強大，民主發展總不能一蹴即至，也許大家祇是恨鐵不成鋼吧！
April 10th, 2008 at 1:55 am
補充一下：
我覺得中國處理這次西藏事件最敗筆就是要記者離開，是作賊心虛嗎？
如果有信心，不胡作非為，怕甚麼？
這些新聞封鎖祇會給人口實！
April 10th, 2008 at 8:42 am
TC: 因為我資金少, 要集中… 同埋我鐘意高高高息股.
April 12th, 2008 at 5:10 pm
點解大家視民主必是一個國家發展既終結目標
政體的選擇都不過是追求良好管治
新加坡夠一黨專政 控制傳媒 君主獨裁 總理之職父傳子
又吾見有人住板間房???
April 13th, 2008 at 6:32 am
1) 記得當年美歐借政治宗教交流等一舉瓦解蘇聯後, 其假想敵芧頭已開始錨準中國, 還記得南斯拉夫大使館柀”誤炸”嗎? 仲有一單美國軍機無端闖入中國領空附近與中國軍機相撞致中國機師失踪等, 當年布薯甚至整個美國國策是為阻中國崛起, 處處挑引中國, 騷擾中國發展.
“幸好”有單911事件發生, 將美國視線由中國轉為拉登及Iraq, 讓中國多了時間及空間韜光養晦, 專心發展經濟, 至今才可修成正果, 真正成為有國際話語權之大國.
2)如果時光倒流而911事件没有發生, 中國忙於應付美國全方位挑引,近年發展可能已没有這麼順利. 更誇張啲, 如果當年布薯及美國早知中國能發展至今天國力, 就算有911事件發生, 最終出軍目的地可能已不是中東,而是中國 (借口可以係中國是911幕後策劃, 懷疑中國驅留失踪機師等, 等於依家夾硬話Iraq有核武一樣, 任佢講)
3)對於我們未經過戰爭的這一代, 回望歷史, 固然毋忘日本侵略, 但現在日本已不足懼, 我們更要清楚美國才是中國將來最要防範的國家.
(o咀唔好意思, 又借咗你地盤講廢話)
April 13th, 2008 at 10:48 am
中國人，唔好咁講，呢度就係比人發表言論既地方痳！你講既野好有point!我都無諗過911原來幫左中國，聽你講返先覺得有可能係咁。