筆者的投資路並不是一帆風順, 記得在睇中太平洋航運前, 筆者共持有過3隻股票, 分別是中石油, 中石化及一隻叫”嘉利國際(1050)”的.
當然, 中石油是筆者起家的股票, 亦是幫筆者賺到第一桶金的好股. 中石化則短暫持有, 亦鞏固了筆者的資本.
這兩隻的持有時間都是比較一帆風順, 無幾多時間係坐貨. 筆者唯一坐過貨的兩隻股就係太航和嘉利國際, 然而一隻飛煌騰達, 另一隻則石沉大海…
嘉利國際當年是David Webb強烈推介的公司, 當時一下子成了明星股, 筆者亦跟風於$3.3買入了為數不少的貨, 抱著David Webb介紹實無死的心態持有, 直到股價升到$3.7, 市盈率仍只是合理偏低一點, 筆者一直認為可以再持有下去. 筆者有一個習慣就係當買入一隻股票後會經常問自己點解要繼續持有該股, 當時支持筆者繼續持有嘉利國際的唯一原因是”David Webb介紹”完全忽略了公司的未來發及增長… 到最後股價於$3.7開始掉頭回落, 直到跌到$3.0才夢醒而止蝕, 淨蝕二十幾萬… 到現在該股只值7毫子…真係執返身彩.
而太航則純粹因當年其買入價可賺取18%年息率而買入. 當時並不知道什麼BDI, 日租金等等的事情. 然而亦不斷問自己點解要繼續持有太航, 而每次問完都係同一答案, 就係股息高, 管理層有料到, 及最重要係當時航運業正值低潮, 最正路做法係繼續持有至航運業復甦才能賺取更大回報.
一念天堂, 一念地獄. 通過不斷向自己發問可以幫助自己做出更好的投資追渣沽決定, 而往往這些決定係可以改變一生…
記住, 買股係買該公司既未來, 唔係買他的過去. 所以要不斷發問, 以防止情況有變. 遇到危險情況, 速逃!!
April 2nd, 2008 at 10:45 am
「記住, 買股係買該公司既未來, 唔係買他的過去. 所以要不斷發問, 以防止情況有變. 遇到危險情況, 速逃!!」
–> 絕對同意。很多人以為過去一兩年高增長，之後都會係咁，但其實基本因素已經變左，坐左好多貨仲喪溝，結果…….. 最可怕係有d人連基本因素係乜都唔知! 以為越跌越買一定win. 大家都要小心d，好好監察自己的公司~
多謝分享，講左我ge 心底話~ =)
April 2nd, 2008 at 8:37 pm
睇完colin這篇都好有同感…自己上年在20蚊都高追了幾手中石油坐艇到依家﹗
當初又係聽信專家和四叔…依家都心大心細吾知好吾好放﹗放就蝕幾萬，但可以脫身買平野；渣就吾知幾時返家嫏…唉
筆者可否比d意見﹖thx ar﹗
April 3rd, 2008 at 9:28 am
其實好公司全世界都係, 但公司又好價又好的真係唔多…
April 3rd, 2008 at 1:20 pm
ramce 不要灰心，中石油是好公司，雖然高，但都有息收呀，有d股高追了，又冇息咪仲咩…始終石油係指數股，大市升，點都會升。比d時間，何況而家大市升緊，不過你升，好的又會升，點追？好考眼光同心理素質。
April 3rd, 2008 at 3:17 pm
一念天堂, 一念地獄. 通過不斷向自己發問可以幫助自己做出更好的投資追渣沽決定, 而往往這些決定係可以改變一生…
完全同意,thanks colin!
April 4th, 2008 at 12:21 am
ramce：老實講筆者一點都不看好石油股，雖然油價依然高企，但一個暴利稅把最賺錢的上游業務都攪到唔知賺到幾多，但係下游業務蝕到pk都無得補貼… 其實中石油最大股東係中國政府，佢賺到暴利最大受益人係政府，政府要收暴利稅係強姦其他中石油股東既做法，因為佢可以係分股息之前己經抽左一筆… 唉
April 4th, 2008 at 10:59 pm
暴利稅係強姦其他中石油股東既做法，因為佢可以係分股息之前己經抽左一筆
–> 完全同意，所以我一向都唔認同，投資中國係好似人人講到咁好。當政府表明上玩資本主意遊戲，實質上用盡方法阻止自由市場正常運作，結果會係點？這個問題很值得大家反思。